Emakumeen Nazioarteko Egunerako Tolosaldeko Itaiak mobilizazioa deitu du emakumeen eskubideen aldeko aldarrikapena egiteko. Mobilizazioa Trianguloa plazan izango da 18:30ean.
Bestalde, asteburuan hitzaldi bat eman zuten M8a hizpide hartuta. Alde batetik, Itaiako kideek sozialismoaren aldeko apustua egiten dutela adierazi zuten, «sistema kapitalistan emakume langileen zapalkuntzarekin amaitzea ezinezkoa delako». Bestalde, errepaso historiko bat ere egin zuten M8 egunaren sorrerara joaz, XX. mende hasieran. «Duela 100 urte emakume langileek ezinezko ikusten zuten kapitalismoaren barruan beraien zapalkuntzarekin amaitzea» eta Itaiatik bide berari heltzen diotela adierazi zuten, zentzu hori ematen bai diote beraien borrokari eta Martxoaren 8ari.