Udalekua ekainaren 26tik uztailaren 4ra izango da. Aurten ere ibiltaria izango da ekimena, eta Orozkotik Dimarako bidea egingo dute parte hartzaileek. Gazteak euskararen inguruan sentsibilizatzea, kontzientziatzea eta eragile aktibo bihurtzea da udalekuaren helburua.
Aurreko urteetan izandako arrakastaren ondorioz, iaz parte hartzaileen kopurua bikoiztu zuen Uemak. Aurten, berriz, iazko izen emate kopuruak kontuan hartuta, aurrekoetan baino gazte gehiagorentzat izango da lekua. Zehazki, 2005 eta 2008 urteen artean jaiotako 120 gaztek izango dute udalekuan parte hartzeko aukera.
Udalekuetan izena emateko, bi modu ezberdin egongo dira:
- Uema.eus webgunean
- Telefonoz: 943816699
Bideoa: aurtengo udalekuak iragartzeko bideoa.