Arratsalde iluntzean 500 metrotara jaitsiko dela diote iragarpenek. Goizean 700-800 metrotan kokatu da, Iker Ibarluzea Atariako eguraldi adituak esan bezala. Biharko, giro lasaiagoa iragarri du Ibarluzeak.
Ostiralean, Iker Ibarluzearen arabera, goizean goiz oraindik hodei dezente izango da eta euri tantaren bat edo beste izango da, non elur modura izango den 1000 metrotik gora. Goiz erdirako ordea ateri egongo da eta ostarteak irekiko dira, arratsalde partean giro polita nagusituko delarik. Hego-haizea ibiliko da eta tenperaturek gora egingo dute, 10-11ºC-tan joaz goia.
Goiko argazkietan, Urkizu eta Berastegi inguruak ikus daitezke, goizean eta eguerdian.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!