Pasa den asteburuan Madriden maila absolutuko atletismoko pista estaliko Espainiako Txapelketa jokatu zen. Bertan eskualdeko hiru atleta izan ziren, hirurak Errealekoak.
200 metrotan Joseba Larrauri irurarrak 21.86ko marka egin zuen kanporaketetan eta ezin izan zuen finalerdietara pasa. Guztira 14. gelditu zen.
60 metro hesietan John Cabang irurarrak bere marka berdindu zuen kanporaketetan, 7.94ko denborarekin, baina finalerdietan 8.08 egin ondoren, ez zuen finalerako txartela lortu. Guztira 14. gelditu zen.
Bukatzeko, Ander Martinez de Rituerto tolosarra pertika jauzian 5.a izan zen 5.20 metroko markarekin.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!