Iurre elkartearen txarangak Jose Ramon Lasarte, Txatarrilla, izan du gogoan. Lasarte 20 urtez txarangaren zuzendaria izan zen.
Omenaldi xumea, gertukoa eta beroa jaso zuen Jose Ramon Lasarte Txatarrilla zenaren sendiak Zaldunita egunean. Txatarrillaren arrebak, Maria Luisa Lasartek, lore sorta bat jaso zuen Olaia Goikoetxea Iurre elkarteko lehendakariaren eta Juan Carlos Pildain Iurre txarangako zuzendariaren eskutik. Txarangak pieza pare bat eskaini zizkion 20 urtez txaranga zuzendari izan zen Jose Ramon Lasarteren sendiari, bere esker ona adieraziz.
ATARIA ez da soilik komunikabide bat: komunitate baten ahotsa da, eta urte hauen guztien ondoren, zuen babesa behar dugu, inoiz baino gehiago: ATARIAk behar du Tolosaldea. Horregatik erronka bat daukagu esku artean: gure eskualdeko 28 herrietan hamarna harpidedun berri behar ditugu. Zu falta zara, bazatoz?