Arrospide eta Elola mendi lasterketetako podiumean

Emaitza onak lortu dituzte astebukaera honetan Tolosaldeko mendi korrikalariek. Ordizian eta Zestoan jokatu diren mendi lasterketetan, podiumera igotzea lortu baitute Laiane Arrospide tolosarrak, eta Iosu Elola bidaniarrak.

Ordiziako Mendi Lasterketan, emakumezkoen sailkapenean, Laiane Arrospide tolosarra izan zen bigarren postuan. 21km dituen maratoi erdiko ibilbidea zen, 1.100 metroko desnibel positibo eta negatiboarekin. Arrospidek 1:54:46ko denbora egitea lortu zuen, irabazlearengandik hiru minutura geratuaz, eta bigarren postuarekin garaikurra eta 50 euroko saria lortu zuen.

• Ordiziako Mendi Lasterketa (Neskak)

1. Irati Zubizarreta/ 1:51:39/ Beasain
2. Laiane Arrospide/ 1:54:46/ Tolosa
3. Irantzu Chinchetru/ 2:03:03/ Gasteiz

Zestoan jokatu zen Kobaz Koba Trail mendi lasterketan berriz, Iosu Elola bidaniarra izan genuen hirugarren postuan. Elolak, 300 partaide, eta 15km zituen Artzei bidea mailan parte hartu zuen, 1:12:27 ko denbora markatu zuen, garailearengandik minutu batera geratuaz.

• Kobaz Koba Trail  (Artzei bidea)

1. Dani Lopez/ 1:11:25/ Uribarri Dibiña
2. Beñat Ibañez/ 1:11:54/ Zumarraga
3. Iosu Elola/ 1:12:27/ Bidania-Goiatz

Iosu Elola, ezkerretik lehena, Kobaz Koba probako podiumean