Gailur Elduaien eta Ibai Goitia altzotarrek (Intxurre Pilota Elkartea) jokatu zuten gorriz. Urdinez, berriz, Irati Goikoetxeak (Bidania) eta Maddi Lasak (Behar Zana Pilota Elkartea). Hiru partida jokatu zituzten, bakoitza zortzi tantora. Lehenengoan Goikoetxea eta Lasa nagusitu ziren, 3-8. Hurrengo partida oso estua izan zen eta azkenean Elduaien-Goitia bikoteak irabazi zuen: 8-7. Azken partidan erabaki zen bikote txapelduna; bigarren partidan bezala, emaitza estua izan zuen: 8-6 Intxurreko pilotarien alde.
