Iruran, esaterako, goizean atera dira kantari, ikastolako ikasle, irakasle eta gurasoak, eta Irurako plazan eman diote amaiera kalejirari. Euskal ohitura zaharra ospatzera atera dira. Aurten LH5 eta LH6ko ikasleek beraiek sortu dituzte goizean entzun diren kopla berriak.
Arratsaldean, beste hainbat herritan bezala, Ibarrako herritarrak, baserriz baserri atera dira kantuan, trikitilariek lagunduta eta Adur Gorostidi eta Iñigo Gorostarzu Etxorde bertsolariekin. Herriko plazan egin dute lehen geldialdia, eta ondoren, inguruko baserritarrei egin diete bisita. Beranduago, Izaskun auzora igo dira.
Alegian ere bertsoz lagunduta atera dira eskean herritarrak. Guztira 60 bat lagun irten dira etxez etxe kantuan, Odei Lopez eta Maialen Akizu bertsolariekin.