Ezin itzaletik argitara atera erreportajea kaleratuko du biharko astekarian TOLOSALDEKO ATARIAk. Egiari Zor fundazioak dinamika bat abiatuko du otsailaren 11n Donostian egingo duen agerraldi batekin. Urtebetez, Karpeta urdinak film dokumentala eskainiko dute herriz herri eta torturatuen komunitatea saretzeko ekimenak gauzatuko dituzte. Egiari Zor fundazioko Ainara Esteranen eta Karpeta urdinak dokumentalaren egile Ander Iriarteren elkarrizketak irakurri ahal izango dira erreportajean.
Eskualdeko bi torturaturen esanak ere jasoko dira bertan. Mikel Ayestaran billabonatarrak eta Nekane Txapartegi asteasuarrak torturaren inguruko iritziak trukatuko dituzte biharko astekarian.