Klubetik azaldu dutenez, «baja ezberdinengatik baldintzaturik gure taldeek ezin izan dute aurreko urteetako maila mantendu, baina lan txukuna egin dute jende gaztez beteriko bi taldeek».
Mutiletan Real Sociedad izan zen irabazlea. Hain justu, bertako kidea den John Cabang irurarrak 60 metro hesietako lasterketa irabazi zuen 8,10 eginez. Bidasoa Atletikoko Mario Estanga tolosarra bigarren izan zen pertika jauzian, 4,60 metrorekin bere marka pertsonala eginez.
Bidasoa Atletiko izan zen nesketan irabazlea, eta bertako kidea den Eunate Martinez de Rituerto tolosarrak altuera jauzia irabazi zuen 1,70 metro eginez. Bestalde, Atletiko San Sebastian taldeko Maria Lasa irurarrak 1.500 metroak irabazi zituen 4.31,18 eginez, eta bere marka hobetuz. Klub bereko Maria Navascues 5. izan zen 3.000 metroetan, 10.52,61ko markarekin.
ESPAINIAKO KROS TXAPELKETA
Ortuellan jokatu zen igandean Espainiako Kros Txapelketa, eta bertan izan ziren Tolosa CF klubeko bi atleta, 20 urtez azpiko mailan. June Sudupek hamargarren postua lortu zuen eta Naroa Rojo 51. postuan iritsi zen.
GIPUZKOAKO MARKA
Bestalde, Ander Martinez de Rituerto tolosarrak Sabadellen egindako Kataluniako nazioarteko proban hartu zuen parte pertika jauzian. Bosgarren izan zen 5,25 metro eginez, eta pista estaliko 23 urtez azpiko Gipuzkoako errekor berria ezarri zuen.