Arte Eszenikoen Max sariak, Espainiako arte eszenikoen profesionalei urtero ematen zaizkien sariak dira. Arte eszenikoen esparruan profesionalen lana eta urteko ekoizpen garrantzitsuenen kalitatea saritzeko eta aintzatesteko. Sari hauek 1998 urtetik ematen dira, eta urtero gai desberdinak jorratzen dituen gala batean banatzen dira. Edizio bakoitzean, hiriz aldatzen da eta arte eszenikoen urteko hiriburu bihurtzen da. Pasaden urtean, Menorcan egin ziren Max sariak, eta aurtengoan Cadiz hiriak emango dio erreleboa. Maila nazionaleko zuzendari ospetsuek zuzentzen dute gala, eta aktore ezagunek antzezten dute, urtero antzerki-eszenak, musikalak eta dantza-interpretazioak sortuz.
Kategoria ezberdinetako sariak daude, guztira 20 ematen dira eta honako kategoria hauen artean daude Tolosaldeko hautagaiak:
- Koreografia onena:
- Asier Zabaleta Mendia Otempodiz ikuskizunarengatik
- Gizonezkoen dantza interprete onena:
- Iñigo Etxeberria Ur Bizitan dantza ikuskizunarengatik
- Jon Arsuaga Ur Bizitan dantza ikuskizunarengatik
Alegiako Asier Zabaletak sortutako Ertza konpainiaren Otempodiz kale ikuskizun onenaren sariko hautagaien artean dago ere. 2018. urtean, kaleko ikuskizun onenaren saria irabaztea lortu zuten Ertz Sorkuntza konpainiakoek.