Asteburuan binakako txapelketaren 10. jardunaldia jokatu zen. Ondorioz, ligaxka amaitzeko lau besterik ez dira geratzen. Jaka-Arangurenek aurrera egitea ia ezinezkoa dute, seigarren postua lau puntura geratu baitzaie asteburuan. Ezkurdia-Martijak ere asteburu honetan esan diezaiokete agur txapelketari.
Lehen bi postuetan Elordi-Zabaleta eta Altuna III-Tolosa aurkitzen dira. Amezketarrak eta anoetarrak garaipen garrantzitsua lortu zuten larunbatean Bilbon, Ezkurdia-Martijaren aurka 22-16ko emaitzarekin. Laso-Imazek euren partida ez zuten irabazi, Peña II-Eskirozen aurka, eta ondorioz, eskualdeko bikotea bigarren postuan finkatu da. Jon Ander Peña tolosarrak partida handia jokatu zuen Hendaian, 22-19 nagusituz. Lau eta erdiko txapelketako joko ona erakutsi zuen Peña II.ak Eskirozekin bikotea osatuz. Honek, lesioarekin dabilen Mariezkurrena II.aren lekua hartu zuen beste behin ere, maila ona erakutsiz.
Hurrengo jardunaldia ondorengoa izango da:
11. JARDUNALDIA
- Amorebieta, ostiralez: Urrutikoetxea-Albisu vs. Ezkurdia-Martija
- Iruña, larunbatez: Jaka-Aranguren vs. P. Etxeberria-Rezusta
- Idiazabal, larunbatez: Elordi-Zabaleta vs. Peña II-Mariezkurrena II
- Eibar, igandez: Laso-Imaz vs Altuna III-Tolosa
Binakako EPEL Txapelketako ligaxka
| Pilotariak | Jok. | Ira. | AT | KT | Koef. | |
| 1 | ELORDI - ZABALETA | 10 | 9 | 219 | 124 | 95 |
| 2 | ALTUNA III - TOLOSA | 10 | 7 | 192 | 183 | 9 |
| 3 | LASO - IMAZ | 10 | 6 | 196 | 184 | 12 |
| 4 | P.ETXEBERRIA - REZUSTA | 10 | 5 | 191 | 192 | -1 |
| 5 | PEÑA II- MARIEZKURRENA II | 10 | 5 | 179 | 181 | -2 |
| 6 | URRUTIKOETXEA-ALBISU | 10 | 5 | 191 | 193 | -2 |
| 7 | EZKURDIA - MARTIJA | 10 | 2 | 141 | 214 | -73 |
| 8 | JAKA-ARANGUREN | 10 | 1 | 172 | 210 | -38 |
Promozio mailako binakako txapelketan eskualdeko bi pilotari daude. Iztueta tolosarrak ez zuen jokatzerik izan azken jardunaldi honetan, lesioagatik. Bere lekua Salaverri II.ak hartu zuen, eta Agirrerekin bikotea osatuz, 22-9 galdu zuten, Larrazabal-Uriondoren aurka. Elizegi asteasuarrari ere galtzea tokatu zitzaion, Zubizarreta III.arekin bikotea osatuz. Hauek txapelketari ia agur esan diote, hamar jardunalditan garaipen bakarra lortu ondoren.
Binakako Promozio Txapelketako Ligaxka
| Pilotariak | Jok. | Ira. | AT | KT | Koef. | |
| 1 | SALABERRIA - O. ETXEBARRIA | 10 | 10 | 220 | 128 | 92 |
| 2 | LARRAZABAL-ESKIROZ | 10 | 8 | 212 | 153 | 59 |
| 3 | BAKAIKOA-MORGAETXEBERRIA | 10 | 6 | 195 | 165 | 30 |
| 4 | EXPOSITO - BIKUÑA | 10 | 5 | 172 | 188 | -16 |
| 5 | AGIRRE-IZTUETA | 10 | 5 | 171 | 190 | -19 |
| 6 | ZABALA - GASKUE | 10 | 4 | 175 | 182 | -7 |
| 7 | EGIGUREN V - EROSTARBE | 10 | 1 | 149 | 213 | -64 |
| 8 | ZUBIZARRETA III-ELIZEGI | 10 | 1 | 140 | 215 | -75 |
Hurrengo jardunaldia 11.a izango da, eta Ibarrako Belabieta pilotalekuan txapelketako partida bat ikusteko aukera egongo da, larunbatean 18:00etan. Agirre-Iztuetak Exposito-Bikuñaren aurka jokatuko dute.
Iker Elizegik Idiazabalen jokatuko du larunbatean, Zabala-Gaskue bikotearen aurka.