Euskal Mendizale Federazioak 2023ko iraupen luzeko ibilaldien zirkuituaren egutegia argitaratu du. 20 ibilbidek osatzen dute eta horietatik bi eskualdean izango dira: Villabonan eta Tolosan.
Eskualdean egingo den lehen ibilaldia Villabonako Aizkardi Mendizale Elkarteak antolatutakoa izango da, martxoaren 26an, igandea. 54. edizioa izango da aurtengoa. Eskualdean egingo den bigarren ibilaldia, berriz, Amarozko Mendi Elkarteak antolatzen duen Araxes Itzulia izango da; hau maiatzaren 27an, larunbata, izango da.
Oraindik ez dute ibilaldietarako izen-emateen berri eman. Hala ere, interesa duenak, esteka honetan du informazio gehiago.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!