Ohitura jarraituz aurten ere kaldereroak aterako dira kalejiran datorren otsailaren 10ean. Irurako San Migel plazan 18:00etan atera eta Anoetako plazan amaituko dute. Kalejira bukatzerakoan merienda izango da hartzaile guztientzat.
Irurako Kultur Mahaiak aurten ahalik eta herritar gehiena animatzea nahi du, ondorioz, Loatzo musika eskolarekin eta Irurako ikastolarekin batera parte hartuko du festaren antolaketan.
Entseguak egingo dituzte egun hauetan kaldereroak prestatzeko:
- Otsailaren 1ean: 16:30etan. Ikastolako aterpean, grabatutako musikarekin.
- Otsailaren 6an: 19:30etan. Anoetako Auditorioan, Loatzoko musikariekin.
Antolatzaileek aipatu dutenez, komeni da norberak bere zartagina eramatea entseguetara.