Hiru puntura dute seigarren postua eta txapelketan jarraitzeko aukera Jakak eta Arangurenek. Jokoan, ordea, bost besterik ez dira geratzen. Bederatzi partida jokatu ondoren, garaipen bakarra lortu dute. Azken partida hauetan, gutxienez hiru irabazi beharko dituzte eta aurkarien emaitzei begira egon. Azken partida, Peña II-Eskirozen aurkakoa, 22-15 galdu zuten.
Jon Ander Peña tolosarrak atzelari berriarekin jokatu zuen partida hori, Mariezkurrena II.a lesioagatik ez zelako kantxaratu. Hala eta guztiz ere, Eskirozek bikain ordezkatu zuen nafarra eta puntu garrantzitsu horri esker, sailkapeneko bosgarren postuan daude Peña II-Mariezkurrena II.a.
Txapelketa bikaina egiten ari direnak Jokin Altuna eta Xabier Tolosa dira. Hirugarren postuan daude sei garaipenekin, eta lehen bi postuetan sailkatzeko helburu garbiarekin. Azken partida Peio Etxeberria eta Rezustaren aurka jokatu zuten larunbatean Iruñan. 22-12ko emaitzaz eta joko bikaina eginaz puntua lortu zuten Tolosaldekoek.
10. jardunaldia:
- Hendaia, ostirala: Laso-Imaz/Peña II.a-Eskiroz
- Iruñea, larunbata: Elordi-Zabaleta/P. Etxeberria-Rezusta
- Bilbo, larunbata: Ezkurdia-Martija/Altuna III.a-Tolosa
- Agoncillo (Errioxa), igandea: Urrutikoetxea-Albisu/Jaka-Aranguren.
Binakako EPEL Txapelketako sailkapena
Pilotariak | Jokatutakoak | Puntuak | Aldeko tantoak | Aurkako tantoak | Koefizientea | |
1 | ELORDI - ZABALETA | 9 | 8 | 197 | 106 | 91 |
2 | LASO-IMAZ | 9 | 6 | 177 | 162 | 15 |
3 | ALTUNA III - TOLOSA | 9 | 6 | 170 | 167 | 3 |
4 | P.ETXEBERRIA - REZUSTA | 9 | 5 | 173 | 170 | 3 |
5 | PEÑA II-MARIEZKURRENA II | 9 | 4 | 157 | 162 | -5 |
6 | URRUTIKOETXEA-ALBISU | 9 | 4 | 169 | 180 | -11 |
7 | EZKURDIA - MARTIJA | 9 | 2 | 125 | 192 | -67 |
8 | JAKA-ARANGUREN | 9 | 1 | 159 | 188 | -29 |
Iztueta min hartuta
Jaka eta Arangurenen egoera berean daude Zubizarreta III.a eta Elizegi. Hiru puntura dute kanporaketa jokatzeko aukera emango duen seigarren postua. Asteasuko atzelaria ez da iaz erakutsitako maila berean ari, eta jardunaldi honetan ere, galdu egin du aurrelari ataundarrarekin jokatutako partida. 13-22 galdu zuten Larrazabal eta Eskirozen aurka. Baikoko bikotea osatzen duten bi pilotariek hilabete zeramatzaten elkarrekin jokatu gabe (azken aldiaz, abenduaren 25ean izan zen); gainera, orduan lortu zuten orain arteko garaipen bakarra. Halaber, aipatzekoa da, lesioak tarteko, txapelketako bederatzi partidetatik, lau soilik jokatu dituztela elkarrekin.
Agirrek eta Iztuetak, bestalde, garaipen handia lortu zuten atzo, Etxabarrin. 22-21 irabazi zieten Bakaikoari eta Morgaetxeberriari. Garaipen horri esker sailkapeneko laugarren postuan kokatu da Baikoko bikotea. Atzelari tolosarrak, ordea, eskuko minez amaitu zuen partida, eta ez du jardunaldi honetako partida jokatuko; Salaverri II.a ariko da bere ordez.
10. jardunaldia:
- Hendaia, ostirala: Salaberria-O. Etxeberria/Exposito-Bikuña
- Iruñea, larunbata: Agirre-Salaverri II.a/Larrazabal-Uriondo
- Bilbo, larunbata: Bakaikoa-Morgaetxeberria/Zubizarreta III.a-Elizegi
- Agoncillo (Errioxa), igandea: Zabala-Gaskue/Egiguren V.a-Erostarbe.
Binakako Promozio Mailako Txapelketako sailkapena
Pilotariak | Jokatutakoak | Puntuak | Aldeko tantoak | Aurkako tantoak | Koefizientea | |
1 | SALABERRIA - O. ETXEBARRIA | 9 | 9 | 198 | 113 | 85 |
2 | LARRAZABAL - ESKIROZ | 9 | 7 | 190 | 144 | 46 |
3 | BAKAIKOA - MORGAETXEBARRIA | 9 | 5 | 173 | 153 | 20 |
4 | AGIRRE - IZTUETA | 9 | 5 | 162 | 168 | -6 |
5 | EXPOSITO - BIKUÑA | 9 | 5 | 157 | 166 | -9 |
6 | ZABALA - GASKUE | 9 | 4 | 160 | 160 | 0 |
7 | ZUBIZARRETA III - ELIZEGI | 9 | 1 | 128 | 193 | -65 |
8 | EGIGUREN V - EROSTARBE | 9 | 0 | 127 | 198 | -71 |