San Sebastian eguna, urtarrilaren 20a, festa eguna izango da eskualdeko hainbat herritan. San Sebastian ermitak daude, besteak beste, Orendain, Leaburu, Berrobi eta Berastegin, eta herri horietan hitzorduak prestatu dituzte eguna ospatzeko.
Danborradarik ez da izango eskualdean, baina meza egingo dute aipatutako herrietan, ermitan ez bada elizan edo kaperan.
Eta dantzariak edota musikariak ere izango dira, hala nola, Leaburun eta Orendainen. Azken honen kasuan, ohitura dute herritik herritar guztiak batera kalejiran ermitara joateko, eta meza amaitzean berriro elkarrekin iristeko.
Egitaraua
- Berastegi
- 11:00. Meza, erretore etxeko kaperan.
- Berrobi
- 16:30. Meza, San Andres elizan.
- Leaburu-Txarama
- 17:00. Meza, San Sebastian ermitan.
- Ondoren. Herriko dantzarien emanaldia.
- Amaitzeko. Merienda, herriko ostatuan.
- Orendain
- 10:45. Trikitilariek alaituta, kalejira egingo dute ermitaraino, trikitilariek alaituta.
- 11:00. Meza, San Sebastian ermitan.
- Ondoren. Herrira itzulera, kalejira giroan, trikitilarien atzetik. Herrira iristean, hamaiketakoa eraikin berrian.
- 14:00. Bazkaria Eltxoak elkartean.