Jokin Altuna pilotari amezketarrak Gipuzkoako Kirolari Onenaren Saria jaso zuen. Irati Lakunza eta Abraham Olano ere nabarmendu zituen elkarteak. Horiez gain, beste kirolari entzutetsu asko ere saritu zituzten: Arkonada eta Zamora Realeko futbolari ohiak, Maialen Chorraut piraguista, Txema Olazabal golflaria, Imanol Lopez puntista, Joseba Beloki txirrindularia edota Irati Osa piraguista.
Eskualdeko hiru taldeei dagokionez, oroigarri bana jaso zuten bere urteurrenengatik. Villabonako Xake Elkarteak 50 urte bete zituen iaz, Behar Zana Pilota Elkarteak 75. urteurrena ospatu zuen, eta Tolosa CF-k mendeurrena bete du denboraldi honetan. Tolosarrek, gainera, klubaren armarria daraman txapela urdin bat jaso zuten opari. Orio eta Ur Kirolak Arraun Elkarteak ere omendu zituzten ekitaldian.