Urtarrilean zehar eskualdeko sagardotegiak ateak zabaltzen joango dira. Ohiko eskaintzaz gain, Eguzkitza Tolosako sagardotegiak, adibidez, sagardogintzari lotutako piezen erakusketa txiki bat jarri du. Adunako Zabalan ohiturari jarraituz, eskailera batera igota irekiko dute kupel bat. Aburuzan, hau ere Adunan, sagardogintzaren historiaren inguruko bisita gidatuak eskainiko dituzte. Tolosako Isastegik, Aralarren paisaia ikusteko aukera paregabea eskainiko du bertako balkoitik. Asteasuko Sarasolan, trikitilari eta bertsolariekin hasiko dute denboraldia. Azkenik, Lizartzako Goikoetxean, San Sebastian egunean ateak zabaltzeko tradizioarekin jarraituko dute.
Tolosaldeko sagardotegiak:
- Aduna:
- Zabala: irekita
- Aburuza: urtarrilak 11
- Asteasu:
- Sarasola: urtarrilak 14
- Lizartza:
- Goikoetxea: urtarrilak 20
- Tolosa:
- Eguzkitza: irekita
- Isastegi: urtarrilak 14 (afariekin)