Altuna III.a eta Tolosa dira sailkapenean hobekien kokaturik dauden eskualdeko pilotariak, lehen itzuliaren amaieran. Hala eta guztiz ere laugarren postuan aurkitzen dira amezketarra eta anoetarra. Hortik bera, postu guztietan daude eskualdeko ordezkariak. Peña II.a eta Iztueta tolosarrak bosgarren eta seigarren daude; Elizegi asteasuarra zazpigarren eta Jaka lizartzarra zortzigarren. Asteburuan hasiko den bigarren itzuliko helburua, beraz, argia da guztientzat: gora igotzea.
Maila nagusian, Jakak eta Peña II.ak larunbatean jokatuko dute, Iruñeko Labriten eta Buñuelen. Laso-Imaz eta Urrutikoetxea-Albisu izango dituzte aurkari, hurrenez urren. Jokin Altuna eta Xabier Tolosaren partida igandean izango da, Bilboko Bizkaia pilotalekuan. Hauen aurkariak sailkapen nagusiko buruak izango dira, partidarik galdu ez duten Elordi-Zabaleta.
Sailkapenak
Txapelketa nagusia
- Elordi-Zabaleta 7-0
- Laso-Imaz 4-3
- P. Etxeberria-Rezusta 4-3
- Altuna III-Tolosa 4-3
- Peña II - Mariezkurrena II 3-4
- Urrutikoetxea-Albisu 3-4
- Ezkurdia-Martija 2-5
- Jaka -Aranguren 1-6
Promozio maila
- Salaberria-Etxebarria 7-0
- Bakaikoa-Morgaetxeberria 5-2
- Larrazabal-Eskiroz 5-2
- Exposito-Bikuña 4-3
- Zabala-Gaskue 3-4
- Agirre-Iztueta 3-4
- Zubizarreta III-Elizegi 1-6
- Egiguren V-Erostarbe 0-7