Tolosako Leidor aretoak urteroko Ataria Bertso Jaialdia hartuko du urtarrilaren 21ean. Saioa 18:00etan hasiko da eta Oihana Iguaran, Jexux Mari Irazu, Alaia Martin, Amets Arzallus, Nerea Ibarzabal eta Sustrai Colina ariko dira bertsotan eta Amaia Agirrek egingo ditu gai jartzaile lanak.
Bi urteren ondoren, edukiera osoa betetzeko aukera izango da eta 800 pertsonak jarraituko dute saioa Leidorren bertan. Jaialdira joango direnek jakin beharreko informazio guztia hurrengo asteetan jakinaraziko du Ataria-k.
