Pasa den ostiralean jokatu zuen Herrikidek Gipuzkoako Kopako finalerdia, Azkoitiko Ttakun taldearen aurka. 3-0 irabazi zuen Tolosako taldeak; ondorioz, festa handia bizi ahal izan zuten. Gainera, jarraitzaile ugari bildu zen Herrikide ikastetxeko (Eskolapioak) kantxako harmailan. Gogotsu kantxaratu ziren Herrikideko jokalariak, eta lehen minutuetan norgehiagoka parekatua izan zen. Etxekoek, ordea, aukera argiagoak izan zituzten, eta azkenean, aurretik heldu ziren atsedenaldira: 1-0.
Herrikide oso ondo ari zen jokatzen. Minutuek aurrera egin ahala, bi gol gehiago lortu zituzten laranjakoek 3-0ekoa jarriz. Emaitza ikusita, presio handiagoa ezarri zuten azkoitiarrek, markagailuari buelta eman nahian, eta aukera argiak izan zituzten, bukaeran batik bat. Lehen minututik azken minutura erakustaldi handia eskaini zuten bi taldeko jokalariek.
Amaiera ezin hobea izan zen Herrikiderentzat, hainbeste espero zuten finalerako txartela lortuz. Herrikideko jokalari eta ordezkariek eskerrak eman dizkiete finalerdia ikustera joan ziren zaleei.