Caceresen (Extremadura) ari dira lehiatzen, eta atzo garaipena eskuratu zuten jubenil mailan. 1-0 irabazi zioten etxeko taldeari, Extremadurari. Kadete mailako selekzioak 5-2 galdu zuen Extremaduraren aurka.
Atzo, jubenil mailan, 2-10 galdu zuen Balear Uharteetako selekzioak Andaluziaren aurka. Kadete mailan, berriz, launa berdindu ondoren, balearrek penaltietan irabazi zieten andaluziarrei: 4-3.
Gaur jokatuko dute lehen faseko bigarren jardunaldia; euskal selekzioko bi taldeek Balear Uharteetako selekzioko taldeen aurka jokatuko dute. Kadeteen partida 10:00etan hasi da; jubenilena 12:00etan hasiko da. Extremadurak eta Andaluziak elkarren aurka jokatuko dute bi mailatan.
Bihar izango da lehen faseko azken jardunaldia. Kadete eta jubenil mailako euskal selekzioek Andaluziaren aurka jokatuko dute; kadeteek 10:00etan eta jubenilek 12:00etan. Esteka honetan ikusi daitezke partidak.