Abenduaren 17an Arucasen (Kanaria uharteak, Espainia), Espainiako 17 Urtez Azpiko Txapelketa izan zen jokoan. Bertan Danok Danena taldeko pultsularia den Eki Lizaso Bringas gaztea aritu zen lehian eta 96 kiloko kategorian txapelduna izan zen. Lau marka berri ezarri zituen, 127 kilo abiada modalitatean, 156 kilo bi denboratan, eta 276 eta 283 total olinpikoan. Hori gutxi balitz, txapelketako kategoria guztietako markarik onena lortu zuen, txapelketa osoko altxatzaile onena bihurtu zelarik. Lizasorekin batera entrenatzaile moduan berarekin batera joan zen Ekaitz Kortajarenaren jarduna goraipatu dute klubetik: «Egin zuen lana perfekziora bideratu zuen».
Urtea bukatzear dagoen honetan, Danok Danena kluba pozik dago lortzen ari diren emaitzekin eta belaunaldi erreleboarekin. «Ea ba gaztetxoak animatzen diren olinpiarra den kirol hau praktikatzera eta jarraitzen dugun orain arte bezala emaitza onak lortzen», zehaztu dute klubetik.