Martxan jarri da Gabonetako XX. Pilota Topaketa. Guztira 65 pilotari ariko dira, eta binaka jokatuko dute lehiaketa. Alegian prebenjamin eta benjamin mailakoak ariko dira, Altzon alebinak eta Amezketan infantil eta kadete mailakoak. Azken hauek maila berean jokatuko dute, infantiletan bi pilotarik bakarrik eman dutelako izena. Kanporaketak eta finalerdiak gaur eta bihar jokatuko dira, eta finalak ostiralean, 16:00etan hasita, Alegiako Elorri frontoian.