ELA, SATSE, LAB, SME, UGT eta CCOO sindikatuek elkarretaratzeak antolatu dituzte gaur Osakidetzako lantegi guztietan. Tolosako eta Amasa-Villabonako anbulatorioetan osasun langileak kalera atera dira.
Sindikatuen esanetan «Eusko Jaurlaritzaren propagandak» ezin du herritarrek zuzenean pairatzen duten errealitatea ezkutatu. Osasun publikoa babestu eta negoziazioa eskatzeko mobilizazio dinamikak hasiko dituztela iragarri dute. Gaur, elkarretaratzeak egin dituzte 11:00etan EAEko ospitale guztietan. Horrekin batera, 13:00etan, Lehen Mailako Arretako zentro guztietara zabaldu dute deialdia. Tolosan, osasun langileei TOPAko kideak eta pentsiodunak elkartu zaizkie. Sindikatuen esanetan ekintzak egiten jarraituko dute Gabonak pasa ondoren.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
