Alde Zaharraren inguruan hitz egiteko elkartu ziren bizilagunak, «baina bereziki, udal taldeak Zumarditxikiko aparkalekuentzat emandako irtenbidearen aurrean jarrerak adosteko». Ekintza zehatzak egitea erabaki zuten euren kezka eta desadostasuna agertzeko.
- Idatziz, udal taldearekin bilera eskatzea euren postura eta kezkak azaltzeko.
- Desadostasuna eta kezka horiek azaltzeko, etxeetako balkoietan tela edo plastiko gorriak jartzea. Hauetan mezu desberdinak jarriko dituzte: 'Zaindu Alde Zaharra', 'Alde Zaharra bizirik nahi dugu', 'Babestu Alde Zaharra', 'Kezkaturik gaude gure etxeen etorkizunarekin'...
- Alde Zaharreko diagnostiko zehatzagoa egiteko, bizilagunei deialdia egitea, kezka, iradokizun eta proposamenak posta elektroniko honetara bidaltzeko: tolosakoaldezaharra@gmail.com.
Bertan bildutakoek, «Alde Zahar hobeago baten alde» lan egiteko gogoa azaldu zuten.