Binakako Pilota Txapelketaren laugarren jardunaldian Jon Ander Peña tolosarrak bere hirugarren puntua eskuratu du, Mariezkurrena II.arekin batera, 12-22 irabaziz Ezkurdia eta Martijari. Jardunaldi horretan, eskualdeko pilotarien arteko partida jokatu zen aurreko astean, eta Erik Jaka lizartzarrak bere lehen puntua lortu ahal izan zuen. Arangurenekin batera 22-12 irabazi zioten Jokin Altuna amezketarrari eta Xabier Tolosa anoetarrari. Azken hauek bi garaipenekin geratu dira.
Promozio mailan, Martxel Iztueta tolosarrak ez zuen irabazi bere partida. Alberdirekin batera 17-22 galdu zuten Zabala eta Gaskueren aurka. Iker Elizegi asteasuarrak ez zuen jokatu jardunaldi horretan, eta bere ordez Salaverri II.ak jokatu zuen; Zubizarreta III.arekin batera 22-14 galdu zuten Dario eta Bikuñaren aurka.