Oihana Iguaran, Jexux Mari Irazu, Alaia Martin, Amets Arzallus, Nerea Ibarzabal eta Sustrai Colina ariko dira bertsotan eta Amaia Agirrek egingo ditu gai-jartzaile lanak. Saioa ikusteko sarrerak bihar jarriko dira salgai, Atarikideentzat bakarrik, sarrera guztiak zenbakituak izango dira eta ez da erreserbarik onartuko. Sarrerak Ataria-ko egoitzan salduko dira (San Esteban auzoa, 20, Tolosa).
Atarikideek 15 euro ordaindu beharko dute sarrera bakoitza eta gehienez bi sarrera erosi ahalko dituzte prezio horretan. Bi sarrera baino gehiago erosi nahi izanez gero, hirugarrenetik aurrera, sarrera bakoitzarengatik 17 euro ordaindu beharko dira.
Sarrerak erosteko egunak eta ordutegiak:
- Asteazkena, hilak 21: 15:00etatik 18:00etara.
- Osteguna, hilak 22: 10:00etatik 15:00etara.
- Ostirala, hilak 23: 10:00etatik 15:00etara.
Sarrera guztiak zenbakituak izango dira eta ez da erreserbarik onartuko.
Atarikide ez direnek berriz, 17 euro ordaindu beharko dute sarrera bakoitzeko eta aurrerago izango dute hauek erosteko aukera, aurten, online bidez. Datorren astean emango da informazio guztia.
