Oihana Iguaran, Jexux Mari Irazu, Alaia Martin, Amets Arzallus, Nerea Ibarzabal eta Sustrai Colina ariko dira bertsotan eta Amaia Agirrek egingo ditu gai-jartzaile lanak. Aurreko asteazkenean jarri ziren Atarikideentzat sarrerak salgai eta hiru egunetan 600 sarrera baino gehiago saldu dira. Hala ere, oraindik sarrera gehiago geratzen dira eta hauek online naiz Leidor aretoko leihatilan eskuratu daitezke. Beraz, Ataria Bertso Jaialdira joateko asmoa baduzu, azkar ibili eta erosi zure sarrera.
Sarrerak 17€-ko prezioa izango dute eta zenbakituak izango dira. Geratzen diren sarrera horiek agortzean, 800 laguneko aforoa beteko da eta ez da sarrera gehiagorik salduko.
