Hitzaldi informatiboa eta adierazgarria izango dela aurreratu dute antolatzaileek. «Terapeuta batek Gabonetarako familiaren dolua laguntzeko jarraibideak emango ditu». Iruran Javi Aramendiak gidatuko du saioa; Tolosan, berriz, Maider Etxeberriak. «Ingurune seguru batean, parte hartzaile guztien elkarrizketa erraztea da helburua. Batzuetan, isiltasunak hitzak baino gehiago komunikatzen du», adierazi dute.
Sarrera librea eta doakoa izango dela gogorarazi dute. Hala ere, aurrez izena ematea eskatzen dute. Horretarako, interesa dutenek galdetegi hau bete edo 656 748 391 telefono zenbakira deitu behar dute.
Urteak dira Eguberrien bueltan Tolosan horrelako hitzorduak egiten dituztela, terapeuta batek gidatuta. «Etxean norbaiten falta sumatzen dugunean, Gabonak beste era batera bizitzeko aukera eskaintzen dugu». Tolosako saioaren kasuan, ez dute baztertzen gazteekin saio paralelo bat egitea, «gai honen inguruan kolektibo honen eskaria geroz eta handiagoa delako, eta parte hartzera bultzatu nahi ditugulako».