Alegiako Mendi Asanbladak antolatuta, Amezketara irteera egin zuen 40 lagunetik gorako talde batek atzo.
Alegiatik Amezketara kotxez joan eta inguruak ezagutzen eman zuten goiza. Lehenik, Fernando Amezketarraren ibilbidea egin zuten eta bertan, Fernandoren bizitzan esanguratsuak izan ziren lekuak ezagutzeko aukera izan zuten. Ondoren, Pello Zabala gunea bisitatu zuten eta Agurtzane Garmendiaren eskutik errota ezagutu eta talo dastaketa egin zuten. Adierazi dutenez, goiz pasa ederra eginda itzuli ziren Alegiara.
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!