Azaroaren 21etik abenduaren 2ra Loatzo musika ikasleek solasaldi musikatuak egingo dituzte herriak girotuz, Santa Zezilia egunaren bueltan. Aurten musika eskolak 20. urteurrena du eta ikasturtean zehar beste hainbat ekimen egingo dituela iragarri du.
"Mugimendua, melodia, erritmoa, isiltasuna, itxarotea, adimena, errespetua, inprobisazioa, lagun giroa, ordena… zenbat hitz, elementu eta egoera ezberdin bizitzen ditugun musikaren bitartez". Bizitzan, musikak duen lekua ezagutarazi nahi dute, aldiro, Loatzo musika eskolan. Horregatik, herritarrak gonbidatu dituzte kalejirak eta kontzertuak ikusi, entzun eta gozatzera.
- Azaroak 21, astelehena. Irurako plazako arkupeetan 17:45ean.
- Azaroak 22, asteartea. Anoetako plazan 18:30ean.
- Azaroak 23, asteazkena. Zizurkilgo Atxulondo 19:00etan.
- Azaroak 24, osteguna. Villabonako Musika Eskolan 19:30ean.
- Azaroak 25, ostirala. Altzoko Batzarremuñon 18:30ean eta Alegiako plazan 16:30ean.
- Abenduak 2, ostirala. Adunako udaletxe azpian 16:30ean.