Zuberoako ikastolek Ikaskoli izeneko kanpainaren bitartez gabonetako saskiak jarri dituzte salgai, euskara sustatzeko babesa lortzeko. Saskiak bertako produktuez osaturikoak eta kalitate handikoak dira, eta azaroaren 27rarte eskuratu ahalko dira beraien webgunean.
Zuberoan kokatzen diren 2 ikastolek (Alozekoa Basaburuan, eta Eperra Pettarrean) tokiko produktuez osaturiko saskiak salgai jartzen dituzte gabonetarako, ikastolak laguntzeko eta bertako ekoizpenak ezagutarazteko helburuarekin. Hiru saski daude aukeran, Pettarra (51 euro), Arbaila (57 euro) eta Basabürü (68 euro).
Eskaera online egin daiteke, eta Tolosaldean Galtzaundiren bulegoan jasotzeko aukera izango da, abenduaren erdialdean, gabon garaiaren aurretik.
>
Ez diogu hau kapritxo hutsagatik: lagundu iezaguzu. Eduki hau guztia doan ikusten duzu ez dugulako irudikatzen euskarazko hitzik gabeko Tolosalderik. Atarikide, iragarle eta erakunde askoren laguntzarik gabe ezinezkoa litzateke. Zenbat eta komunitate handiagoa sortu, orduan eta sendoagoa izango da ATARIA: zurekin, zuekin. Ez utzi biharko gaur egin dezakezuna: egin zaitez Atarikide!