Iruran San Migel plazan elkartu dira haur eta gaztetxoak, gurasoak ere ez dira falta izan. Mozorro landuak ikusi dira elizaren bueltan, beldurgarriak, arimei dei egiten zietenak, batzuk bertakoagoak, besteak kanpokoagoak. Photocall bat ere ezarri dute eliza atariak eta txandaka kokatu dira haur eta nerabeak kalabaza artean. Gurasoak danbolinari eragin eta gaztainak erretzen aritu dira, ondoren bertaratutakoen artean banatzeko.
Elduainen aldiz, Urriko Kulturaldiaren barruan kokatu dute gaurko ekimena. Eliza izan dute kokalekua elduaindarrek ere; eta bertan, Gau Beltzeko ipuinak kontatu dituzte. Ondoren, Belburraren ibilbidea izango zuten eta gaztaina jatea.