Oihana Zubillaga mendi lasterkari anoetarrak garaipenak pilatzen jarraitzen du. Larunbatean, txapeldun izan zen Galdion (Nafarroa) jokatu zen Basajaun Trail Race mendi lasterketan. Bi proba izan ziren, motza (23 kilometro) eta luzea (43 kilometro) , eta Aldin Kirol eta Kultur Elkarteko korrikalaria 23 kilometrokoan parte hartu zuen. Bera izan zen azkarrena emakumezkoetan, 2.17.31ko denborarekin helmugaratuz. Hiru Herri taldeko Ainara Alcuaz izan zen bigarren (2.18.30), eta Izaskun Bereau helmugaratu zen hirugarren postuan (2.37.08). Gizonezkoetan, Pablo Gonzalez izan zen azkarrena (1.59.10), Jose Luis Beraza sailkatu zen bigarren postuan (2.02.02), eta Alvaro Irurita izan zen hirugarren (2.03.27).
43 kilometroko proban ere izan ziren eskualdeko korrikalariak. Gizonezkoetan, Camp Base taldeko Iñaki Olano altzotarra bigarren sailkatu zen, 3.54.25eko denborarekin. Zanpatuz taldeko Jokin Lizeaga izan zen azkarrena, 3.51.56eko denborarekin helmugaratuta. Txurregi taldeko Xabier Zarranz izan zen hirugarren, 4.07.17ko denbora markatuta.
Emakumezkoetan, gaur egun Tolosan bizi den Asics taldeko Sarah Ugarte donostiarra hirugarren izan zen (4.59.30). A4xkm taldeko Naiara Irigoyen (4.44.36) eta Maria Irigoyen (4.56.02) korrikalari sailkatu ziren bere aurretik.
