Jendetsua izaten ari da Tolosaldeko II. Trikitixa Eguna. 2019an, pandemiaren aurretik antolatu zuen Hauspotuz elkarteak lehenengo aldiz eguna, eta aurten, festa giroa berreskuratzeko asmoz bigarren edizioa egin dute. Tolosako kaleak trikitilari eta pandero jotzailez bete da. Lopez Mendizabal plazan elkartu eta hamaiketakoa egin ondoren, taldeka atera dira soinu jotzaileak kalejiran. 13:30 inguruan elkartu dira Plaza Berrian eta argazkia egin ondoren, bazkaltzera joan dira elkarrekin. 210 lagunek eman dute izena bazkarian.
Arratsaldeko kalejirarako jende gehiago espero dute antolatzaileek. 18:30erako egin dute hitzordua Triangulon eta Alde Zaharreko kaleetan barrena ibiliko dira trikitilari eta pandero jotzaileak kalejira erraldoian.
