Eukene Larrarte txirrindulari tolosarrak pistako Munduko Txapelketan parte hartuko du, Espainiako selekzioko hautatzaileak deialdian sartu eta gero. Txapelketa gaur hasi eta igandera arte luzatuko da, Pariseko Saint-Quentin-en-Yvelines belodromoan.
Larrarte taldekako jazarpenean, omniumean eta scratch probetan lehiatuko da. Taldekako jazarpenean gaur eguerdian izango dute sailkapen proba. Ondoren, arratsaldean, scratch probako finala izango du tolosarrak. Omniumeko lau probak ostiral arratsaldean izango ditu.
Valentzian eta Mallorcan egonaldiak egin ditu Larrartek Munduko Txapelketak prestatzeko. Naia Amondarain ibartarra ere Valentziako egonaldian izan zen, baina ez da aukeratua izan Munduko Txapelketan parte hartzeko.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!