Atzoko Gorbeia Suzien Merrell 2022 proban, International Skyrunning Federationek (ISF) antolatzen duen Skyrunner World Series sarietako munduko kopako finala (SkyMasters) jokatu dute aurten. Nicolas Molina eta Vachon Noemie izan dira irabazleak.Goar Lopetegi ibartarra izan da finalean parte hartu duen eskualdeko lasterkari bakarra. Lopetegik 3.36.02ko denbora egin zuen, irabazlearengandik 27 minutu eta 36 segundora helmugaratuz; hemezortzigarren izan zen ibartarra.
Final horretaz gain, Gorbeia Suzien Merrell 2022 proban, beste hiru modalitatetan ere izan dira lasterketak: SkyRace, 21K eta Euskal Herriko Gazteen Txapelketa.Bada, SkyRace modalitatean, Iñaki Olano altzotarra bigarren izan zen, 3.15.41ko markarekin. Ezcarayko (Errioxa) Alain Santamaria izan zen azkarrena, 3.08.54ko denborarekin. Hirugarren postuan, berriz, Igualadako (Herrialde Katalanak) Marc Olle izan zen, Olanorengandik minutu eta 17 segundora.
Bestetik, Euskal Herriko Gazteen Txapelketan, Irene Iturria bidaniarra bigarren izan da. Iturriak 2.50.15eko marka egin du 21 kilometroko lasterketan. Jone Fuente galdakaoztarra izan zen azkarrena, 2.36.44ko denborarekin.