Jokin Altunak eta Ander Imazek udako txapelketarik luzeenaren eta azkenaren finala jokatuko dute, igande honetan, Iruñeko Nafarroa Arena pilotalekuan. Ezkurdia eta Mariezkurrena II.a izango dituzte aurkari. Finalerdiak atzo iluntzean jokatu ziren frontoi berean, eta finaletik kanpo Erik Jaka geratu zen.
Amezketarrak eta oiartzuarrak 22-15 irabazi zuten euren finalerdia, Irribarria-Albisuren aurka. Garaileek 10 tanto eta 7 hutsegite egin zituzten. Galtzaileek 8 tanto eta 12 hutsegite. Altunak, beste behin ere, udako lesioa atzean utzi duela erakutsi zuen. Masters Caixabank txapelketaren ondoren lau eta erdikoa hasiko da.