Altuna III.ak San Mateo Torneoko finala irabazi du

Argazkia: Aspe.

Martijarekin bikotea osatuz, 22-15 irabazi die Jaka-Mariezkurrena II bikoari. Partida hasiera nahiko parekatua izan bada ere, bigarren zatian uneoro markagailuan aurretik izan dira Aspeko pilotariak, eta azkenean, nahiko erraz irabazi dute.

Erik Jaka lizartzarrak ez du asmatu Mariezkurrenak erakutsitako nagusitasunari errematea ematen, eta azkenean, defentsan egindako lanari esker, Altunak eta Martijak lortu dute garaipena. Aurrelari amezketarrak, gainera, pilotari onenaren saria jaso du.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!