Eukene Larrartek Bartzelona Hiria Nazioarteko Saria irabazi du omniumean

Valentina Scandalora, Eukene Larrarte eta Tania Calvo. NATASCHA V. CHEKANNIKOVA

Txirrindulari tolosarrak Tempo Race proba irabazi zuen, eta beste hiru probetan bigarren egin zuen.

Asteburuan izan zen jokoan Hortako Belodromoan 18. Bartzelona Hiria Nazioarteko Saria - IX. Miquel Poblet Oroimenezkoa, eta Eukene Larrarte tolosarra podiumaren lehen postura igo zen omniumean, 142 puntu lortuz. Scratch proban bigarren postua lortu zuen, ondoren Tempo Race proba irabazi zuen, eta gero bigarren egin zuen kanporaketa eta puntuazio probetan. Bigarren Italia Team taldeko Valentina Scandolara (121 puntu) izan zen eta hirugarren Laboral Kutxako Tania Calvo (119). Naia Amondarain ibartarrak ere parte hartu zuen, eta 17. postuan bukatu zuen, 26 puntu eskuratuz.

Munduko Txapelketara begira

Urriaren 12tik 16ra pistako Munduko Txapelketa izango da, Parisen. Aste honetan Espainiako selekzioa egonaldia egiten ari da Valentziako Lluis Puig belodromoan eta bertan daude Eukene Larrarte eta Naia Amondarain.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!