Lehen aldiz, esku pilota jaialdi profesionala antolatu dute Villabonan

Tolosaldeko Ataria 2022ko ira. 22a, 11:57

Behar Zana Pilota Taldeak, iaz bete zuen 75. urteurrena dela eta, goi mailako jaialdia antolatu du, Amasa-Villabonako Udalarekin batera, Behar Zana pilotalekuan. Urriaren 7an izango da, 22:00etan.

Ondorengoa izango da jaialdia:

  • Lehen mailako Lau eta Erdiko Txapelketa:
    • Elezkano II.a vs. zozketa bidez erabakiko den pilotaria.
  • Binakako partida:
    • Altuna III.a-Tolosa vs. Irribarria-Rezusta.
  • Promozio mailako Lau eta Erdiko Txapelketa:
    • Egiguren V.a vs. zozketa bidez erabakiko den pilotaria.

Sarreren prezioa eta aurresalmenta

Jaialdirako sarrerak zenbakituta izango dira, eta 30 euroko prezioa izango dute. Astelehenean, hilak 26, eta asteartean, hilak 27, izango da aurre-salmenta, 16:30eatik 19:30eara, Behar Zana elkartean. Irailaren 28tik aurrera, online salduko dituzte sarrerak.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!