Elkartetik adierazi dutenez, Tolosaldeko trikitilari, panderojole, trikiti edo pandero ikasle nahiz zale guztiek izango dute tokia urriaren 15eko festan. Goizean, kalejiran ibiliko dira Tolosako kaleetan. Ondoren, bazkari eder bat egingo dute. Elkartetik adierazi dutenez, "sorpresaz beterikoa" izango da. Egunari amaiera emateko, kalejira erraldoia egingo dute Tolosan. Bazkarirako txartelak eskuratzeko, hauspotuztrikitixa@gmail.com helbidera mezua bidali behar da, urriak 7a baino lehen. "Animatu eta etorri zaitezte soinua eta panderoarekin", esan dute elkartetik.
Egitaraua
- Urriak 15, larunbata
- 11:30. Bilkura, Lopez Mendizabal plazan.
- Ondoren. Kalejira Tolosako kaleetan.
- 14:30. Bazkaria.
- 18:30. Kalejira erraldoia.