Sari banaketa ekitaldia Topic-en egin zen eta ondoren luncha egin zuten. Ezkurra da federazioaren ikurra, hori dela eta, 16 eta 18 urte azpiko errekorra egin dutenek brontzezko ezkurra jaso zuten; 20 eta 23 urte azpiko errekorra egin dutenek zilarrezkoa eta errekor absolutua egiten dutenek urrezkoa.
Atzoko ekitaldian Ramon Goikoetxea Gipuzkoako Atletismo Federazioko lehendakariak Tolosa CF zoriondu zuen, 100. urteurrenagatik, eta Tolosako Udalari eskerrak eman zizkion, gala egiteko emandako laguntzagatik.
Sarituak
Kirol galan hainbat epailek urre eta diamantezko ezkurrak jaso zituzten, lan horretan 50 urte baino gehiago aritzeagatik. Tartean, Carlos Lumbreras tolosarra saritu zuten. Iraitz Arrospide billabonatarrak eta Unai Arroyo tolosarrak ere urrezko ezkurra jaso zuten.
Atletei dagokienez, Tolosa CFko ondorengoak igo ziren oholtzara:
- Maria Felisa Okomo.
- Joseba Larrauri.
- Ander Uranga.
- June Sudupe.
- June Lopetegi.
- Xanet Zubillaga.
- Hodei Caballero.
- Kira Pascual.
- Manex Civico.
Realeko eskualdeko bi atleta ere sarituak izan ziren: John Cabang irurarra eta Ander Martinez de Rituerto tolosarra.
Tolosan burutu zen galan, alkatea eta udalbatzako alderdi guztietako zinegotziak, Iñaki Martija Tolosa CFko lehendakaria eta atletismo saileko Lander Gil izan ziren.
Galako argazkiak: Maria Eugi