VIII. Flysh Beltza bigarren amaitu zuen Ioseba Mateos ibartarrak. Saturraranetik Debarainoko 6.5000 metroko zeharkaldian Luis Goñi izan zen nagusi, 1.39.22ko denborarekin. Mateosek denbora bera markatu zuen helmugan. Hirugarren Agustin Ibarguren sailkatu zen, bost minutura. Txapeldunak lasterketaren laburpena egin zuen probaren amaieran: "Baldintza gogorrak izan dira, denbora ikusi besterik ez dago. Proba erdiraino lau igerilari joan gara elkarrekin. Mutriku inguruan erritmoa aldatu eta aurrera egitea erabaki dut. Ioseba Mateos eta biok geratu gara. Amaieran metro batzuk atera dizkiot eta aurretik iritsi naiz hondartzara. Esan beharra daukat Iosebak uretako lana errespetatu duela eta ez duela esprinta jo hondartzan. Baten batek hori egitea eskertzekoa da".
Asier Goenaga tolosarra 3.000 metroko proban atera zen, Mutriku-Deba zeharkaldian. Zazpigarren postuan helmugaratu zen Goenaga, 44 minutuko lana eginaz. Master mailako sailkapen nagusian lehen postua lortu zuen tolosarrak, amaieran, podium-a zapalduz.