Epaiketa hiru saiotan egingo dute: astelehenean, asteartean eta asteazkenean, hilaren 19tik 21era. Fiskaltzaren behin-behineko akusazioaren idazkiaren arabera, orain epaituko dituzten delituak 2012an (eraso saiakera kasuak, abuztuaren 12an eta irailaren 23an), eta 2013an (bortxaketa, irailaren 22an) gertatu ziren.
Fiskaltzak, hiru eraso horiengatik, 28 urte eta hamar hileko kartzela-zigorra eskatzen du. Akusazio partikularrak (Clara Campoamor Elkarteko Cristina Ramos abokatuak) 29 urteko espetxe-zigorra eskatzen du.
Orain arte, beste bi aldiz epaitu dute akusatua, eta 9 eta 12 urteko kartzela-zigorrak ditu ezarrita, Lasarte-Orian 2020an eta Beasainen 2019an egindako bi sexu erasorengatik. Gainera, beste sexu eraso bat du epaitzeko, instrukzio fasean.