Erasunek Emakumezkoen San Mateo Torneoko finala jokatuko du

Miren Larrarte bidaniarra finalaren ateetan geratu da; Itxaso Erasunek Amaia Aldai aldamenean duela, larunbat honetan jokatuko du finala, Logroñon, Arrizabalaga eta Capellanen aurka.

Emakumezkoen esku pilotako San Mateo Torneoko finala larunbat honetan jokatuko dute Logroñoko Adarraga pilotalekuan. Finaleko txartela eskuratzen lehen bikotea Aldaik eta Erasun zizurkildarrak osatutakoaa izan zen. Partida lehiatuaren ondoren, eta 18. tantora arte atzetik joan arren, markagailua irauli eta 22-18 irabazi zuten Garairen eta Mendizabalen aurka. 

Larunbateko finalean aurkariak Arrizabalaga eta Capellan izango dituzte. Finalerdietan Larrarte bidaniarra eta Oses izan zituzten aurrean, eta 22-12 hartu zituzten mendean. Beraz, bidaniarrak ez du aukerarik izango finala jokatzeko.

Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!


EGIN ATARIKIDE!