Tolosaldeak eta Deustuk buruz buru jokatu dute, gaur, Portugaleten, datorren urtean zortzi traineruk osatuko duten Euskotren Ligan jokatzeko txartela, eta Tolosaldea nagusitu da.
Ez du hutsik egin Tolosaldeako traineruak, gaur, Portugaleteko uretan, eta ez da ezustekorik izan. Atzo egin bezala, gaur ere irabazi egin dute eta garaipen horri esker, datorren urtean ere Tolosaldea goren mailan ariko da lehiatzen. Euskotren Ligako zortzi traineruetako bat izango da Ramon Erostarbek gidatzen duena.
Deusturekin izan dute lehia eskualdeko arraunlariek, baina aise bukatu dute bizkaitarren aurretik eta 25 segundo atera dizkiote. Tolosaldeak 10.38,79 denbora egin du eta Deustuk 11.04,01.
Ez diogu hau kapritxo hutsagatik: lagun gaitzazu . Eduki hau guztia doan ikus dezakezu euskarazko hitzik gabeko Tolosaldea ez dugulako irudikatzen. Atarikide, iragarle eta erakunde askoren laguntzarik gabe ez litzateke posible hori. Gero eta komunitate handiagoa sortu, orduan eta sendoagoa izango da Ataria: zurekin, zuekin. Ez utzi biharko gaur egin dezakezun hori: egin zaitez Atarikide!
EGIN ATARIKIDE!
