Ez du hutsik egin Tolosaldeako traineruak, gaur, Portugaleteko uretan, eta ez da ezustekorik izan. Atzo egin bezala, gaur ere irabazi egin dute eta garaipen horri esker, datorren urtean ere Tolosaldea goren mailan ariko da lehiatzen. Euskotren Ligako zortzi traineruetako bat izango da Ramon Erostarbek gidatzen duena.
Deusturekin izan dute lehia eskualdeko arraunlariek, baina aise bukatu dute bizkaitarren aurretik eta 25 segundo atera dizkiote. Tolosaldeak 10.38,79 denbora egin du eta Deustuk 11.04,01.