Emaitzarik aipagarrienak emakumezkoen artean eskuratu zituzten. Batetik, Aratz Urkolak jubenil mailan eta Pili Esnaolak beterano mailan amaiera bikaina eman zioten Euskadiko Triatloi Zirkuituari, bakoitzak beren kategoriko bigarren postua eskuratuz. Bestetik, esprint distantzian debutaria zen Izaro Urkola hirugarren sailkatu zen kadete mailan.
Gizonezkoen kasuan ere, maila onean aritu ziren Mahala taldeko triatletak. Asier Capak karrera bikaina egin eta sailkapen orokorrean 12. postua eskuratu zuen. Elur Urkola ere onenekin egon zen azken unera arte, 22. helmugaratuz.
Bestalde, Joxean Montoyak bigarren postua lortu zuen beterano mailan, eta Danel Leunda eta Beñat Ostrak ere lasterketa ederra gauzatu zuten, taldetik azaldu dutenez.