Tolosaldeko Igeriketa Eskolak sei urtetik aurrera, haur, gazte zein helduentzat igeriketako lau estiloak zuzen ikasi eta lantzeko proposamen eta ikastaro eskaintza zabala duela azaldu dute.
Datorren astean eskualdeko bi kiroldegietan taldean hasi nahi dutenentzat proba batzuk egingo dituzte eta parte hartu nahi dutenen zalantzak argituko dituzte.
Tolosako Usabal Kiroldegian, irailak 13 eta 15, 16:00etan kiroldegiko sarreran elkartuko dira. Villabonako Olaederra Kiroldegian, irailaren 12 eta 14an, 16:00etan Villabonako Olaederra kiroldegiko sarreran elkartuko dira. Probak egiteko bainujantzia, txanoa eta betaurrekoak ekartzea nahikoa dela azaldu dute, eta ez da hitzordurik behar.
Ordutegi hori egokia ez balitz 688 807 405 zenbakira deitu eta hitzordu berri bat adosteko prest daudela azaldu dute eskolatik.